ROXAS CITY – Ang pagpanigarilyo ang wala sang maayo nga mahimo para sa ikaayong lawas, ini bangud sa isa ka stick sang sigarilyo, nagaunod ini sang kapin 7,000 ka nagkalain-lain nga harmful chemicals nga makatuga sang balatian sa lawas.
Sandig sa pagtuon, kapin 10 katawo ang nagakapatay kada oras bangud sa sigarilyo.
Amat-amat nga ginaguba sang nicotine ang lawas kag nagaresulta sang nagkalain-lain nga balatian, ini ang mga masunod:
– Kanser sa panit
– Kanser sa baga
– Sakit sa tagipusuon
– Pagnubo sang sperm count/egg cells
– Paglabo sang mata
– Pagkaguba sang ngipon
– Pagkabungol
– Osteoporosis
– Ulcer
– Kanser sa cervix
Samtang, dako man ang peligro ang matuga sa mga secondhand smoker ukon ang mga wala nagapanigarilyo apang nagahaklo sang aso’ sang tawo nga nagapanigarilyo, bangud mahimo ini makaangkon sang cancer sa baga kag iban pa nga balatian kaangay sang hypertension, diabetes, Chronic Obstructive Pulmonary Disease (COPD) kag madamo pa.
Gani, kun luyag mo nga maglawig ang imo kabuhi, untaton mo na ang pagpanigarilyo.
