-- ADVERTISEMENT --
ROXAS CITY, CAPIZ – Nagnubo na ang mga kabarangayan sa Capiz nga nalista sa clustering sang dengue.
Sandig sa data nga gin-release sang Capiz Provincial Health Office, nagnubo sa 46 ang mga kabarangayan sa Roxas City kag probinsya sang Capiz ang nalista sa clustering sang balatian nga dengue.
Ang clustering ang nagatumod sa isa ka lugar nga naka-record sang tatlo ukon masobra pa nga kaso sa apat ka magkasunod nga morbidity week.
Matandaan nga nagtimbuok sa 3,086 ang kabilogan nga kaso sang dengue sa Capiz sumugod sadtong Enero 1 tubtob Oktubre 5, 2024.
Sa subong nagapadayon ang ginapatigayon sang mga LGUs nga pagtapna sang lamok nga nagadala sang balatian nga dengue.
-- ADVERTISEMENT --
