Ginmanduan ni Agriculture Secretary Francisco Tiu Laurel Jr. ang Bureau of Plant Industry (BPI) nga inspeksuyunon ang tanan nga bodega sang sibuyas sa ginapangatubang nga ginapahayag sa mga bag-o nga ani kag indi makaabot sa mga merkado nga mahimo magresulta sang shortage, price manipulation kag hoarding.
Ini sa tunga sang ginalauman nga pagsugod subong nga bulan sang anihan sang sibuyas nga magahatag sang preska nga suplay nga mahimo maghatag sang suplay sang manubo nga presyo.
Suno kay Laurel, kinahanglan nga igapatigayon ang nasambit nga tikang agud matumod kung may mga naiipit sa mga bag-o nga ani sang sibuyas nga mangin rason sang kakulangan sang suplay.
Ang pag-import kag manipulasyon sa presyo isa ka illegal nga pamaagi sang pagnegosyon kag ini ang nagakadapat nga penalidad sa layi.
Ginapahayag nga mahimo makumpleto sang BPI ang inspeksyon sa sulod sang apat tubtob pito ka adlaw kag ginalauman nga antes matapos ang semana.
Matandaan nga sadtong una nga adlaw sang Pebrero, ginhatagan sang ‘go signal’ sang DA chief ang importasyon sang 3,000 metriko tonelada sang pula nga sibuyas kag 1,000 metriko tonelada sang puti nga sibuyas agud masolusyunan ang ginalauman nga shortage antes mag-abot ang tion sang harvest.
Sa pihak sini, nagapabilin nga mataas ang presyo sang sibuyas kung sa diin nagaguha sa monitoring sang DA nga ang presyo sang pula nga sibuyas yara sa P140.00 kag P240.00 kada kilo samtang ang puti nga sibuyas yara sa P130.00 tubtob P150.00 kada kilo ang presyo.
Sadtong nakaligad nga bulan, ang presyo sang pula nga sibuyas yara sa P140.00 kada kilo mas manubo sa subon nga presyo nga P200.00 kada kilo.
