Mga boksingero sang Pilipinas, wala naapektuhan ang training para sa SEA Games

Wala nagpaapekto sa kalain sang panahon ang pila ka mga  boksingero sang punsod Pilipinas para maghanas sa pagsalang nila sa 33rd Southeast Asian Games (SEA) Games sa Disyembre 9 tubtob 20, 2025 sa Thailand.

Suno kay Coach Ronald Chavez, wala naapektuhan sang dako ang ila nga training apisar nga nautod ang supply sang kuryente sa lugar.

Pila ka semana na sila sa syudad sang Baguio kun sa diin ginapatigayon ang paghanas.

Target nila nga malapawan ang naangkon sang 2023 Phom Penh Games nga may yara sang apat ka gold, lima ka silvers kag isa ka bronze ang nakuha sang boxing team.

Pila sa mga boksingero nga ginalauman nga makapauli sang bulawan nga medalya amo sanday Nesthy Petecio kag Aira Villegas.