Ginbuyagyag sa karon ni Ukrainian President Volodymyr Zelensky nga may yara sang duha ka Chinese nationals sila nga naaresto samtang nagabulig sa mga soldado sang Russia.
Ginsiling sini nga ang mga suldado sa rehiyon sang Donetsk nakakumpiskar sang mga dokumento, mga kard sang bangko kag personal nga datos sang mga Chinese nationals.
Ginapatihan nga posible madamo pa nga Chinese nationals ang ginkuha sang Russia agud buligan sila.
Ginhatagan niya sang importansya nga maathag nga ang Russian President Vladimir Putin wala sing tuyo nga tapuson ang inaway sa Ukraine.
Bangud sa insidente, ginpatawag sang Ukrainian Foreign Ministry Officer ang chargé d’affaires sang Beijing sa Ukraine agud ipaathag ang insidente.
Madumduman nga sang nagligad nga tuig, nadakpan nila ang pila ka mga soldado sang North Korea nga nag-upod man sa Russia agud makig-away sa Ukraine.
