Mga commuters sa Roxas City, nagalaum sang pagsaka sang sweldo kasunod sang pagsaka sang plete

Nagalaum ang pila ka mga commuter sa Roxas City nga kasunod sang pagsaka sang plete ang pagtaas man sang sweldo sang mga mamumugon.

Sa interview sang Bombo Radyo kay Ms. Princess Antonio, commuter, iya ginpahayag nga daku ang epekto sa ila adlaw-adlaw nga pangabuhi sang pagsaka sang presyo sang gatong kag plete bangud nagadugang ini sa ila mga galastuhan.

Suno kay Antonio, mas mahapos para sa mga commuter nga atubangon ang pagsaka sang plete kun magasaka man ang ila sweldo, apang daku ini nga kabudlayan para sa mga minimum wage earner bangud kulan ini para sa adlaw-adlaw nga mga galastuhan.

Ginapanawagan sini nga kun padayon nga magsaka ang presyo sang gasolina kag plete, nagakadapat man nga pagataasan sang sweldo rehiyon.