Magapadala sang dugang nga delegasyon ang Pilipinas para sa 33rd Southeast Asian Games nga pagahiwaton sa Thailand sa Disyembre.
Suno kay Philippine Olympic Committee (POC) President Abraham “Bambol” Tolentino, madamo sang mga atleta ang naga-training samtang ang iban ang yara sa iban nga pungsod para sa training.
Ang Pilipinas magapadala sang 1,713 ka mga delegado lakip ang mga opisyal.
Sa nasambit nga numero, 1,300 ang mga atleta nga nagdesisyon nga may masobra 500 ka mga delegado nga ipadala subong nga adlaw ipaanggid sa nagligad nga 2023 SEA Games nga ginhiwat sa Cambodia.
Indi lang bangud sa madamo nga team sports subong, luyag man sang Philippine Olympic Committee nga malabawan ang performance sang pungsod sa 2023.
Matandaan nga sang 2023 nakakuha sang 260 ka medalya ang Pilipinas nga may 58 gold medals, 85 silvers kag 117 bronzes.
