Nagpabutyag sang mga pangduhaduha ang mga economic managers hanungod sa posible negatibo nga epekto, sa tion nga mapapasar ang minimum wage hike.
Suno sa mga ekonomista, ang nasambit nga wage hike ang mahimo magtuga sang pagnubo sa Gross Domestic Product (GDP) sang pungsod gikan sa 0.1% tubtob 0.5%, nga may posibilidad sa pagtaas sang inflation gikan sa 0.2% tubtob 0.8%, kag posible nga mangin epekto amo ang pagtaas sang unemployment rate nagikan sa 0.2% tubtob 0.7%.
Gin-segundahan man nila ang mga micro, small, and medium enterprises (MSMEs) nga posible man madulaan sang kakayahan nga magpadayon, na magaresulta man sa pag-tanggal sang mga tawohan sini kag pagsirado sang negosyo.
Apisar wala napapasar sang mataas nga Kongreso ang hagna nga P200 nga dugang-sweldo para sa mga mamumugon, nagalaum man ang mga labor groups nga maangkon nila ang makatarungan nga sweldo para sa mga mamumugon nga Pilipino.
