Ginsiguro sang pamunuan sang National Electrification Administration nga nakahanda na ang tanan nga mga Electric Cooperatives sa bug-os nga pungsod para sa local kag national elections nga natalana nga pagahiwaton sa Lunes, Mayo 12.
Sa nangin pahayag ni National Electrification Administration (NEA) Engineering Department Manager Engr. Federico Villar Jr, tanan sang mga ini ang nag-agi na sa maid-id nga inspeksyon kag preventive maintenance activities partikular na ang tanan nga mga substation sini.
Sa kasubong nga pamaagi kumbensido ang ahensya nga wala sang mangin aberya sa mismong adlaw sang eleksyon.
Suno kay Villar, naghimo na ang mga coop sang line clearing operations kag gin-ilisan na man ang mga power transmission kag distribution system components nga kritikal para dalayon ang supply sang kuryente.
Magluwas diri naghiwat na man sang inspeksyon sa tanan nga mga electric facility nga maghatag sang supply sang kuryente sa mga voting kag canvassing centers subong nga elections.
Ang tikang nga ini sang ahensya ang base naman sa direktiba sang Department of Energy kaupod ang Task Force on Energy Resilience sang ahensya.
