Mga gasolinahan sa Australia, nagaka-ubosan sang supply bangud sang panic buying sang mga motorista

Nagaka-ubusan na sang suplay sang gasolina ang dose-dosena nga mga istasyon sa Australia bangud sa padayon nga panic buying sang mga motorista tuga sang fuel crisis.

Suno kay Bombo Denmark Suede, international correspondent sa Australia, iya ginpahayag nga may pila na ka mga estado ang nakarekord sang malaba nga pila sang mga motorista agud nga magpagatong.

Ginpahayag man sini nga kasunod sang pagsaka sang presyo sang gatong, nagtaas man ang interest rate sang mga bangko.

Bangod sa krisis, halos tanan nga sektor sang ekonomiya sa pungsod ang na-apektuhan.

Natalana naman nga magsinapol ang mga mataas nga lider sang pungsod agud talakayon ang sitwasyon kag magahimo sang nagakaigo nga tikang sa padayon nga pagsaka sang gatong.