Mahilig ka man bala mag hiking?
Ikaw bala ang sahi sang tawo nga nanamian mag-hiking apang madasig nga maubos ang ginhawa? Mahimo nga amo ini ang sabat nga imo ginapangita.
Isa ka mountain resort sa Jianxi, China ang nag-alokar sang minilyon ka dolyar para sa pagtukod sang mga escalator nga makapahapos sang pagsaka sa bukid.
Ini nga bukid amo ang Lingshan Scenic Area sa Jianxi Province, nga nahamtang sa sidlangan nga bahin sang China, nga may kataason nga 1,500-meters.
Suno sa report, tuyo sini nga malikawan ang makapoy nga mga bisita kag magsakripisyo sang tion kag kusog agud makalab-ot sa putukputukan.
Apisar nga indi ini ang una nga kaso sang mga escalator sa kabukiran sa China, ginakabig ini nga isa sa pinakadaku nga proyekto.
Gindayaw sang iban ang inisyatibo, ilabi na ang mga tigulang kag may kasablagan, nga may kahigayunan na karon nga makita ang makahalawhaw nga talan-awon sa bukid.
Apang, may mga kritiko nga nagasiling nga, sa baylo nga maghatag sang kalingawan, daw ginakuha sini ang kalipay sa pag-hiking nga nagahalin sa pagpangabudlay sa pagsaka.
