Gin-aresto sang mga otoridad sa Los Angeles ang mga indibidwal nga ginapahayag may kaangtanan sa pagkamatay sang aktor nga si Matthew Perry.
Kalakip sa mga naaresto ang isa ka doctor nga ginaalegar nagbaligya sang illegal nga droga sa aktor.
Matandaan nga matapos makit-an ang bangkay ni Perry sa mismo puluy-an sa Pacific Palisades, Los Angeles sadtong Oktubre sang tinalikdan nga tuig nagpatigayon ang mga kapulisan sang imbestigasyon kag nagaguha nga na-overdose sa bulong nga ketamine si Perry.
Bangud sini, nagpaguha ang otoridad sang search warrants kag ginkumpiskar ang mga computers, cellphones kag pila ka electronic equipment.
Mahibaluan nga nagpaidalum sa ketamine infusion therapy ang actor bangud sa iya anxiety kag depression apang ang nakit-an nga ketamine sa lawas sini wala ginreseta sang doktor.
Nagaguha nga parehas ang level sang ketamine sa system sang actor nga ginagamit sa general anesthesia sa tion nga ginaoperahan.
