Igasaylo subong nga adlaw, ang kaso nga graft ni dismissed Bamban, Tarlac Mayor Alice Guo, halin sa Capas, Tarlac Regional Trial Court padulong sa Valenzuela City Regional trial Court.
Suno kay Senate Majority Leader Francis Tolentino, wala sang hurisdiksyon ang Capas Court sa nasambit nga usapin, kinahanglan suno diri ini nga maisaylo.
Apisar nga una na nga nag-issue ang Tarlac Regional Trial Court Branch 109 sang arrest warrant kay Guo para sa kaso nga Anti-Graft and Corrupt Practices Act.
Samtang, ang Interior Department, nag-file man sang kaso para sa alegasyon nga gingamit ni Guo ang iya nga kapangyarihan sang mayor pa ini para magpaguha sang mayor’s permit para mangin legal ang operasyon sang Philippine Offshore Gaming Operator (POGO) sa Bamban, Tarlac.
Apang, magapabilin ang kostudiya sang pagkakulong ni Guo sa Philippine National Police Custodial Center sa Camp Crame, Quezon City.
