Nagpatigayon sang mga benefit show ang pila ka mga local singer sa pungsod bilang bulig sa country singer nga si Socorro Avelino ukon kilala bilang si Coritha.
Nahibaluan nga bedridden sa karon ang singer matapos ini nga ma-stroke.
Ginpangunahan sang singer nga si Cooky Chua ang paglunsyar sang benefit show.
Sa social media post sang Color It Red vocalist, pagahiwaton ang “Awit Para Kay Coritha” nga isa ka benefit show sa adlaw sang Lunes, Agosto 5 sa My Brothers Mustache sa Hive Hotel.
Pila sa mga naimbitahan nga maga-perform amo sanday Bayang Barrios, Mike Villegas, Chikoy Pura, Lolita Carbon kag madamo pa nga iban.
Magluwas sa pinansiyal nga bulig, nagakinahanglan man ang singer sang mga adult diapers kag adult milk.
Nakilala ang singer sa mga kanta sini nga “Oras Na”, “Si Lolo Jose”, “Sierra Madre” kag madamo pa nga iban.
