Ginpataas na sa walo ka mga lugar sa pungsod ang Tropical Cyclone Wind Signal number 1 bangud sang bagyo Ada.
Base sa datus sang Philippine Atmospheric, Geophysical and Astronomical Services Administration (PAGASA), ang sentro sang bagyo ang nahamtang mga 460 kilometers gikan sa Hinatuan, Surigao del Sur.
May kabaskugon ini sang hangin nga nagalab-ot sa 45 kilometros per ora kag pagmadlos nga nagalab-ot sa 55 kph.
Ginalauman nga maga-landfall ang bagyo sa Biyernes ukon Sabado sa pila ka bahin sang Eastern Visayas.
Ang mga lugar nga ginapataas ang signal number 1 amo ang Surigao del Sur, Surigao del Norte, Dinagat Islands, Eastern Samar, Samar; Northern Samar; Sorsogon; Rapu-Rapu, Manito, syudad sang Legazpi sa Albay.
Padayon ang pagpaandam sang PAGASA sa mga apektado nga lugar nga tuman ka delikado para sa mga mangingisda nga maglayag sa dagat.
