ROXAS CITY – Nagpalab-ot sang sulat ang mga magagmay nga mangingisda sa Capiz nagikan sa Barangay Dumolog, Cogon kag Culasi sa syudad sang Roxas bangud apektado na ang ila pangabuhianan sa operasyon sang likos nga nagasamad sa ila ginapahamtang nga arong sa kadagatan.
Suno kay Mr. Ronilo Combate Chairperson sang CFARMC nga pinaagi sa ila sulat nga pirmado sang mga miyembro nga mga mangingisda, katuyuan sini nga mapalab-ot sa ahensya nga natungdan kag maaksyunan ang ila reklamo.
Dugang pa ni Combate nga dako na ang ila kapiyerdehan sa gakasamad nga arong nga ila ginabutang kag wala man ginabalikda sang mga operator sang likos sa tion nga ila masamad.
Makapila naman nila ini napalab-ot sa natungdan apang wala gid sang aksyon ang mga ahensya nga ila ginpalapitan.
Magluwas sa mga likos, ginapabutyag pa nila ang operasyon sang mga dalagko nga mga sakayan nga padayon sa ila pagpangisda sang iligal.
Nagalaum ang mga miyembro sang mga magagmay nga mangingisda sa syudad sang Roxas nga mahatagan sang nagakaigo nga aksyon ang ila reklamo.
