Mas nagdugok pa ang mga manug bakal sa Teodoro Arcenas Trade Center samtang nagahilapit ang Bag-ong Tuig.
Sa interview sang Bombo Radyo kay Heloise Mendoza, Market Administrator sang Teodoro Arcenas Trade Center, iya ginpahayag nga nagbutang ang ila talatapan sang nakadesignar nga lugar para sa tagsa ka mga manugbaligya agud nga malikawan ang pagdutdutanay, pagtapon sang sakit kag ang kinawatay .
Suno kay Mendoza, aminado ini nga naghina ang kita sang mga manug baligya sa Teodoro Arcenas Trade Center bangud ang tagsa ka mga barangay sa syudad sang Roxas ang may yara na sang mga baligyaan gani mas ginapili na lang sang iban nga mga pumuluyo ang didtu na lang magbakal.
Pahayag pa niya, bangud sa limitado nga espasyo sang parking, ginapangabay ang mga tag-iya sang salakyan nga magpangita sang mahimo parkingan sa iban nga lugar kag indi na magdutdot pa agud nga malikawan ang traffic.
Nagalaum man ang natungdan nga magadoble ukon triple pa ang tawo subong nga bisperas sang bag-ong tuig sa Teodoro Arcenas Trade Center nga magahingabot sa pagpanindahan.
