Ginkumpirmar sang Department of Education nga magabaton sang annual medical allowance nga P7, 000 ang mga manunudlo kag non-teaching personnel sa pungsod.
Kabahin ini sang inisyatibo ni Education Secretary Sonny Angara nga nagatuyo nga mapahagan-hagan ang pinansyal nga palas-anon sang mga manunudlo sa ila nga gasto sa pagpabulong.
Luyag man sang ahensya nga mapaayo ang ila healthcare access kag mapaayo ang ila health status kag mangin produktibo bilang mga empleyado sang ahensya.
Mas mataas ang ini nga kantidad kun ipaanggid sa nagligad nga P500 nga medical allowance.
Ang ini nga allowance ang nagasakop sang mga kwalipikado nga diagnostic tests nga yara sa mando sang DepEd nga gin-isyu sang 2020.
Ini suno sa ahensya bilang pagsunod man sa mandu ni Presidente Ferdinand Marcos Jr. agud masiguro nga ang tanan nga mga manunudlo sa pungsod indi na magkabalaka sa ila galastuhan.
