Magapadayon sang Service Training ang mga manunudlo sang Capiz National High School sa pihak sang natalana nga semestral break sa Oktubre 27 tubtob 31, 2025.
Sa interview sang Bombo Radyo kay Mr. Charlie Begas, Principal sang Capiz National High School, iya ginpahayag nga ang mga estudyante lang ang makaangkon sang semestral break.
Suno kay Begas, ang mga manunudlo, padayon nga magahanas sang ihibalo agud pagid nga mahatagan sang mas manami nga kalidad sang edukasyon ang mga estudyante.
Pahayag nya, ang mga non-teaching staffs magapabilin man sa tagsa ka mga opisina sa buluthuan.
Nagapasalamat naman ang natungdan sa tagsa ka mga manunudlo sa dedikasyon sa paghatag sang kalidad nga edukasyon sa mga kabataan kag sa mga ginikanan nga padayon man nga nagasuporta sa mga aktibidad sang eskwelahan.
