Nagdangat na sa 18 ang napagkit nga napatay, matapos ang ginhimo nga airstrike sang Israel sa isa ka residential area sa Beirut ang kapital sang Lebanon.
Suno sa mga otoridad, yara sa 92 ang pilason nga ginpadangat sa mga ospital.
Mahibaluan nga kadam-an sa mga nagapuyo sa lugar amu ang Shia Muslims kung sa diin gina-anggid sang Israel sa mga Hezbollah.
Bangud sini, ginsiling sang mga otoridad nga posible magataas pa ang numero sang mga napatay bangud sa tuman nga igo sang mga biktima sa lugar.
Nagpaguha naman sang evacuation order ang Israel Defense Forces sa mga residente sang Haret Hreik sa southern Beirut.
Suno sa Israel military nga sa mga masunod nga adlaw, ila paga-atakihon ang lugar ilabi na sa mga pasilidad nga ginadumala sang Hezbollah.
Matandaan una na nga ginsiling ni Israel Prime Minister Benjamin Netanyahu nga indi sila mag-untat sa pag-atake sa kuta sang mga Hezbollah sa Lebanon bilang pagtimalos sa ginhimo sang mga ini sa ila.
