Nagsaka na sa 72 ang numero sang mga napatay bangud sa mabaskog nga linog sa Cebu.
Suno sa National Disaster Risk Reduction and Management Council (NDRRMC), tanan nga mga napatay ang subject pa sa validation.
Ginpahayag ni Office of Civil Defense (OCD) Region 7 Director Joel Erestain nga nadugangan sang tatlo ang una nga 69 nga gin-report nga mga napatay.
Sandig sa data sang NDRRMC, may yara sang 294 ka tawo ang pilason bangud sa linog.
Nagalaum ang natungdan nga indi na madugangan pa ang numero sang mga napatay.
Samtang, wala naman sang reported nga missing nga tawo sa data sang NDRRMC.
Nahibaluan nga ang magnitude 6.9 nga linog ang nag-apekto sa 47,221 ka mga pamilya ukon 170,959 ka mga indibidwal.
Padayon naman ang mga aftershocks nga nabatyagan sa diin naglab-ot na ini sa masobra 2,000 sandig sa monitoring sang Philippine Institute of Volcanology and Seismology (PHIVOLCS).
