Nagdangat na sa 111 ang napatay sa Bagyong Tino sa probinsya sang Cebu.
Suno sa Cebu Provincial Disaster Risk Reduction and Management Council (PDRRMC), ang nasambit nga numero ang nagikan sa nagkalain-lain nga local government units sa Cebu.
Narekord ang nasambit nga numero as of 7:20 sang gab-i sang kahapon nga adlaw.
Yari ang numero sang mga napatay:
Sa Cebu City (12) ang mga napatay, Asturias (2), Balamban (6), Bantayan (1), Compostela (25), Consolacion (1), Danao City (9), Liloan (35), Mandaue City (12), Talisay City (7) kag sa Tabogon (1).
Ang nasambit nga numero ang nagikan lamang sa Cebu Provincial Office kag wala pa pormal nga nalakip sa kabug-usan nga numero gikan sa Office of Civil Defense.
Matandaan, nga sang Nobyembre 3, 2025, naglandfall ang Bagyo Tino sa Pila mga lugar, kun sa diin madamo sang mga pumuluyo ang naapektuhan kag nadulaan sang mga puluy-an.
