QATAR – Nagpanawagan ang pila ka mga Overseas Filipino Workers (OFW) sa Qatar sang assistance sa embahada sang Pilipinas sa tunga sang nagapadayon nga tensyon sang pungsod Israel kag Iran.
Suno kay Bombo Ana Majinon, International Correspondent direkta sa Qatar, iya ginpahayag nga mabaskog nga pagnilupok ang nabatyagan nila bangud sang wala untat nga paglunsyar sang missiles kag rockets gikan sa Iran kag pag-intercept sa bahin sang Estados Unidos.
Pahayag pa niya, nakabatyag ang mga ini sang kahadlok kag pagpangduha duha sa seguridad bangud sa asud-asud nga pag-atake sang Iran.
Dugang pa niya, nakasentro ang Iran sa paglunsyar sang missile attack sa military airbase sang Estados Unidos sa Qatar kun sa diin pila lang ka kilometro ang kalayuon sa ila ginahamtangan.
Nagpahanumdom man ang natungdan sa kaangay niya nga mga Overseas Filipino Workers (OFW) nga yara sa Qatar nga mangin aligmat kag i-secure ang kaugalingon sa tanan nga oras.
INTERVIEWED BY: BOMBO ROADNIE DALANON
