ROXAS CITY, CAPIZ- Ginpa-bombo sang pila ka mga pumuluyo sang Barangay Tanza, Roxas City ang ila nga mga barangay opisyal natuhoy sa ginapahayag pagkakas sang ila nga mga pangalan para sa ayuda sang naapektuhan sang tinalikdan nga mga bagyo nga nag-agi sa probinsya.
Sa interview sang Bombo Radyo kay Cherel Delgado, pumuluyo sang nasambit nga lugar, iya ginpahayag nga sang una nila nga pagpadulong sa barangay hall, yara sa listahan ang ila nga pangalan.
Suno sa ila, ginmanduan sila sang naga-facilitate nga magpa-photocopy anay apang sa ila nga pagbalik sa lugar, nagbag-o na ang listahan kag nadula na ang ila nga mga pangalan.
Pahayag nila, kaangay ginpili ang mga pangalan sang makabaton sang nasambit nga ayuda.
Nagapanawagan ang mga nagpa-bombo sa mga natungdan, nga hatagan sila sang mga paathag sa nasambit nga hitabo.
Samtang, bukas naman ang istasyon sang Bombo Radyo Roxas para sa pagpaathag sang bahin sang nasambit nga mga opisyal sang barangay.
Interviewed by Bombo Sunnie Mae Constantino Batencila
