Roxas City – Wala nakahibalo ang mga opisyales sang Barangay Poblacion Ilaya, Pontevedra Capiz, angut sa pagwasak sang tulay sa ila lugar.
Sa interview sang Bombo Radyo kay Barangay Kagawad Norma Oroña sang nasambit nga lugar ginpahayag sini nga apisar ang ila Punong Barangay wala man nakabaton sang pahibalo nga pagawaskon na ang amu nga tulay.
Suno sa kagawad, kun tani nagkonsulta man sa ila nga mga opisyales ang nagpatigayon sang amu nga proyekto kag gintuon man sa tag-ilinit agud indi makahatag sang problema sa ila mga pumuluyo ilabi na sa tion nga mag-ulan.
Mahibaluan nagsugod nga waskon ang amu nga tulay sadtong Nobyembre sang tinalikdan nga tuig apang tubtob sa karun wala sa gihapon ini matapos kag ginbutangan lamang sang butong agud mahimo agyan sang mga residente.
Angut sini mabudlay para sa ila ilabi na sa mga estudyante bangud doble ang ila gastos sa pamasahe ikumparar sadto nga P20.00 gid lamang ang ila ginabayad apang sa karun naglab-ot na sa P40.00.
Sa karun wala sa gihapon sila kahibalo kun san-o matapos ang amu nga proyekto sa ila lugar.
