Naapektuhan ang mga flights sa United Kingdom kag Germany bangud sa pagbubo sang tuman kadamol nga snowfall.
Natabunan sang madamol nga nyebe ang runway sang pila ka mga paluparan sa UK kag mangin sa Northern Ireland, Scotland kag daku nga bahin sang central kag northern England.
Yara sa yellow rain warning ang halos tanan nga bahin sang Wales mangin ang Manchester Airport nga amu ang pangatlo sa pinakamadamo nga pasahero ang temporaryo nga ginsarado ang runways bangud sa pagbubo sang madamol nga nyebe.
Kalakip sa temporaryo nga nauntat ang operasyon amu ang Bristol Airport sa west England, Birmingham Airport kag ang John Lennon Airport sa Liverpool.
Mangin ang ruta sang mga trains sa England, Scotland kag Wales ang naapektuhan bangud sa malain nga panahon.
Ginpaandam sang mga weather centers sang UK kag Germany nga makaeksperyensya sa gihapon sang pag-ulan sang madamol nga nyebe sa mga masunod nga adlaw.
