ROXAS CITY – Kulba kag excitement ang nabatyagan sang mga magapasakup nga banda kag dancers para sa ”Battle of the Bands and Dance Showdown” na handog ng Bombo Radyo at Star FM sa mga Capizeño sa Capiztahan 2017 nga patigayunon na buwas sa hapon sa Dinggoy Roxas Civic Center.
Suno sa mga partisipante nga banda, masaku na ang ila practice para mapakita ang ila nga talento kag mapahalipay ang mga tawo nga ginabantayan na ang ila nga performance.
Mainit man nga nagapang-imbitar si Governor Antonio del Rosario sa tanan nga saksihan ang pormal nga pagbukas sang Capiztahan 2017 buwas nga adlaw bangud madamo sang dalagkuan nga event ang patigayunon sa opening day pa lamang.
Kalakip sa magahatag sang duag sa una nga adlaw amo ang Fiesta Capisnon ukon Foodtrip sa Capiz, sa diin matilakawan sang mga bisita ang nagkalain lain nga pagkaon gikan sa mga kabanwahanan nga ginpreparar sang mga Capizeño.
