ROXAS CITY – Nagapati si Capiz 1st District Representative Emmanuel Tawi Billones Sr., nga indi “appropriate” nga pakamalauton ni Presidente Rodrigo Duterte si Senator Franklin Drilon sa iya ikalima nga State of the Nation Address (SONA).
Ginpahayag ni Billones nga ginkakibot sini ang pagpakamalaut sang presidente kay Senator Fraklin Drilon natuhoy sa Oligarkiya.
Suno kay Billones nga indi nagakadapat nga i-mensyunar ang pangalan sang nasambit nga senador sa ginpatigayon nga SONA sa baylo mas maayo na lamang nga gintalakay sang presidente ang mga kinahanglanon sang pungsod subong nga pandemya.
Suno kay Billones nga nabalaka lamang si Drilon sa masobra 11,000 ka mga empleyado nga nadulaan sang trabaho bangud sa wala pag-aprubar sang renewal sang prangkisa sang isa ka giant network nga ABS-CBN.
