Ginbatikos ni House Deputy Majority Leader Janette Garin, ang mga “fake expert” nga naga-kwestyon sa Memorandum of Agreement (MOA) sa tunga sang Tingog Party-list, Philippine Health Insurance Corporation (PhilHealth), kag Development Bank of the Philippines (DBP) nga may tinutuyo pondohan ang pagpatukod sang mga ospital kag medical facilities nga pamunuan sang mga lokal nga gobyerno.
Sa iya privileged speech, ginhatagan sang pagtamud ni Garin nga tinutuyo sang MOA nga palawigon ang imprastraktura sang mga ospital sa pungsod kag nagsuay ang mga alegasyon ni Dr. Tony Leachon nga ang kasugtanan gingamit sa politika kag may mga legal nga isyu.
Subong man nga may kinamataron nga makigbahin ang mga mamalidha pag-abot sa ikaayong lawas bangud sila indi lamang tagpamaba sang publiko kundi nagabulig man sa pagtumod sang mga kakulangan nga kinahanglan sang gilayon nga solusyon.
Ginhangkat man sang lady solon sa mga nagabatikos sa MOA nga magbulig sa sektor sang ikaayong lawas.
Kaungdan man sa MOA ang obligasyon sang Tingog sa pagbulig sa mga Local Government Unit (LGU) agud ma-access nila ang mga financial mechanism sang DBP pinaagi sang fiscal training, capacity-building, kag iban pa nga mga inisyatibo.
Pagklaro pa sang mamalidha, wala sang pondo nga isaylo sa Tingog kag ang mga kasugtanan sa tunga lamang sang DBP kag mga LGU, nga nagasunod sa mga mekanismo sang DBP para sa pagkuha sang pautang.
