Mga Pilipino sa Middle East, nagalaom nga matapos na tensyon sa rehiyon

Nagalaom ang mga Pilipino sa Middle East nga matapos na ang nagapadayon nga tensyon kag posible nga gyera sa rehiyon.

Ini kasunod sang pila ka aerial explosions nga nasiplatan sa kahawaan sang Doha, Qatar, nga ginapatihan resulta sang drone interceptions sang air defense system sang pungsod.

Suno kay Bombo Joseph Timothy Rivera, International Correspondent sa Qatar, iya ginpahayag nga bangud sa padayon nga tensyon sa rehiyon, indi pa sigurado kun magabukas ang Strait of Hormuz nga isa sa pinaka-importante nga alagyan sang suplay sang langis sa bilog nga kalibutan.

Dugang pa ni Rivera, gina-abisuhan ang mga Pilipino nga likawan anay ang pagguwa sa ila mga panimalay bangud sa posible nga peligro kag magpabilin nga mabinantayon.