Preperado na ang mga Person With Disability (PWD) nga mga atleta nga magapasakop sa Western Visayas Regional Athletic Association (WVRAA) Meet 2025.
Sa interview sang Bombo Radyo kanday Mr. Josh Diaz may kategorya nga Goal Ball kag Ms. Marga nga may ginapasakupan nga kategorya nga 100-m dash run, shut put throw, kag Running Long Jump, ila ginpahayag nga sa pihak sang ila kondisyon indi ini mangin isa ka uyang agud indi makapauli nga mangin madinalag-on.
Mahibaluan nga ang magasugot ang WVRAA Meet magasugod sa Marso 1 tubtob 8 nga pagahiwaton sa probinsya sang Antique, apang magapadulong na sila sa lugar sa Huwebes Pebrero 27, 2025.
Suno kanday Diaz kag Marga, indi ini ang una nga tion nga sila magapasakop sa amu nga aktibidad kabangdanan nga nahanas na ang ila lawas sa mga ginahiwat nga trainings.
Mensahe sang mga ini sa kaangay atleta himuon kag ihatag ang tanan nga masarangan agud mapauli ang bulawan nga medalya kag kadalag-an bilang bugal sang probinsya.
