ROXAS CITY – Nagpahanumdum ang OIC sang Persons with Disability Affairs Office sa publiko partikular na sa mga senior citizens, nagabusong, kag mga PWD’s nga magboto sa May 13 midterm election sa Lunes nga adlaw.
Ginpanugyan ni Joesan Cortel, nga dapat magdala sang payong kag tubig ang mga botante bilang proteksyon batuk sa mainit nga panahon.
Mas maayo man nga nakakaon ang mga botante antes sila magpadulong sa mga polling precinct.
Ginpahanumdom man ni Cortel ang mga PWD’s nga magdala sang ID para madasig nga ma-validate ang identity sa oras sang pagboto.
Subongman importante nga may yara sang priority lane ang mga PWD’s, senior citizen kag mga nagabusong santu sa laye.
Nahibaluan nga may kapin 2,000 ka mga PWD’s sa siyudad sang Roxas nga magaboto sa maabot nga piniliay.
Samtang nakahanda man nga mag-asister ang mga PNP personnel kag Board of Election Inspectors sa mga PWDs nga magaboto.
