Ginapabilin sang mga otoridad sa Los Angeles ang mga residente nga mangin alerto bangud wala pa natapos ang wildfire.
Suno kayLos Angeles Fire Chief Kristin Crowley, lauman ang mabaskog nga hangin nga magadala sang paglapta sang kalayo sa lugar.
Mahibaluan nga yara sa masobra 88,000 nga mga residente ang nagapabilin nga naka-evacuate samtang halos 85,000 naman ang yara sa evacuation warnings.
Ginapalapta man sang mga otoridad ang mga bombero sa ginatawag nga “high-fire-risk areas” sa Los Angeles.
Samtang masobra 50 ka mga indibidwal ang naaresto matapos nga nagpamilit nga magsulod sa mga puluy-an agud makapangawat.
Matandaan una na nga nagpahanumdum ang National Weather Service nga magapadayon ang Critical to Extremely Critical nga Fire-weather conditions tubtob bwas Huwebes.
