Mga vendors sang isda sa TATC, nagapanghakroy sa matumal nga kita sa kada adlaw

Nagapahakroy ang pila ka mga vendors sang isda sa Teodoro Arcenas Trade Center bangud sa manubo nga kita kada adlaw.

Sa interview sang Bombo Radyo kay Marissa Batan, Vice President sang Fish Vendors Association sa Lipunan, iya ginpahayag nga pigado ang ila kita bangud malaka ang nagasulod sa merkado kag nagapaninda.

Suno kay Batan, isa sa mga rason sang manubo nga kita amo ang pagmahal sang presyo sang isda bangud sa padayon nga pagsaka sang presyo sang gatong.

Apisar sang manubo nga kita, padayon sa gihapon ang mga vendors sa ila pagpangabuhi agud matustusan ang ila adlaw-adlaw nga mga panginahanglanon.