Sa isa ka pahayag, ginsiling sang Department of Budget and Management (DBM) nga ang mga sibilyan kag mga tinawo sang militar ang kwalipikado nga makabaton sang bonus nga nakatrabaho sila sa kabilugan nga apat ka bulan sumugod sa Hulyo 1, 2024 tubtob Mayo 15 subong nga tuig.
Kinahanglan man nga nakabaton sila sang satisfactory performance rating kag dapat yara na sa serbisyo sang gobyerno sumugod Mayo 15.
Ang pondo nga ginpain para sa midyear bonus sang mga empleyado sang gobyerno nagalab-ot sa P63.695 bilyones, sa diin P47.587 bilyones ang para sa mga sibilyan samtang ang nabilin nga P16.108 bilyones para sa mga militar kag uniformed personnel.
Kaangut sini, gin-engganyo ni Budget Secretary Amenah Pangandaman ang mga pinuno sang mga ahensya sang gobyerno nga gilayon nga ipanagtag ang midyear bonuses sang ila mga empleyado.
Una na diri, ginpahayag ni Sec. Pangandaman nga gin-release na sang DBM ang mid-year bonus sa mga implementing agencies sang Enero subong nga tuig.
