Nagpaandam si Labor Attaché John Rio Bautista sa mga Overseas Filipino Workers nga may mga scammer nga nagapangako sa luyag nga mag-repatriate.
Suno kay Bautista, nakahibalo sila sang scam matapos may mga OFW nga nagkadto sa Migrant Workers Office (MWO) sa Dubai para kumpirmahon ang offer.
Ang modus sang mga scammer amo ang magpadala sang mensahe sa OFW, nga luyag magbalik sa Pilipinas kag hambalon nga pwede sila maka-book sa eroplano kag gilayon nga magbayad.
Gin-athag naman ni Bautista nga ang lihetemo nga repatriation assistance ang halin sa Department of Migrant Workers (DMW) kag MWO nga makita sa official nga channels kag social media sang mga ahensya.
Ginpahanumdom man sang opisyal nga indi mag-transaksyon sa indi otorisado nga tawo, agent, ukon social media account nga naga-process sang repatriation.
