ROXAS CITY – Pagatutukan sang militar ang mga upland areas sa Region 6 sa nagahilapit nga May 13 midterm election.
Ini ang ginpahayag ni Lt. Col. Joel Benedict Batara, ang commanding officer sang 61st Infantry Battalion sang Philippine Army sa interview sang Bombo Radyo Roxas.
Ginkompirma ni batara nga may mga reports sila nga nabaton angut sa presensiya sang mga rebelde sa pila ka mga banwa sa probinsiya sang Capiz mangin sa iban pa nga kaprobinsiyahanan sa Western Visayas.
Bangud diri ila pa nga pasangkaron ang ila monitoring kag siguruhon nga mangin malinong ang nagahilapit nga eleksiyon.
Ginpahayag ni Lt. Col. Batara nga may deployment sila sa tanan nga mga polling precincts ilabi na sa mga upland areas.
Nagpanawagan man ini sa publiko nga gilayon magpakig-angut sa mga otoridad pananglitan may mamutikan sila nga makaduluda nga mga indibidwal ukon grupo sa ila nga lugar.
