ROXAS CITY – Napasaka na ang panumbungon nga adultery sa misis kag kay certain Mark ang lalaki nga ginaalegar abyan sini matapos nadakpan sang bana nga nagadugsinganay sa ginarentahan nga hulot sa isa ka boarding house sa Bangbang St., Roxas City pinaagi sa inquest procceding.
Ginpahayag sang wala ginhingadlan nga mister nga naglisensiya sa iya ang asawa nga magapadulong sa boarding house sang iya nga ‘’friend.
Wala sang ideya ang misis nga ginsundan ini sang iya mister sa diin nagserbe nga ebedensiya ang tsinelas sang ginang nga yara sa guha sang hulot sang boarding house tobtob natabo ang komosyon sa diin ginkuhaan sang video sang pamilya sang mister ang nagakahinabo.
Samtang suno naman kay Manang Inday, landlady sang boarding house sa diin nadakpan sang mister ang iya misis kag ang iya ‘’friend’’ nga tatlo pa lamang ka adlaw nga naga-board ang ginang kag ang ginpakilala sini ka-live-in partner.
Wala man naglaum si Manang Inday nga kasado ang babaye, apang na-notisyahan sini nga wala nagatulog ang duha sa boarding house kag nagabisita lamang.
Nakibot na lamang ang landlady sang ginhambalan nga may yara sang kinagamo sa isa niya ka mga boarders.
Aminado ini nga naglain ang iya buot bangud sa dire-diretso nga pagsulod sang mister sa boarding house kag ginbringka pa ang pirtahan apang sa pihak sini, naintindihan niya kun ngaa nahimo sang mister ang amu nga butang.
