ROXAS CITY – Kasubong sa isa ka pelikula ang nangin eksena sa isa ka lodging house sa Roxas City matapos nadakpan ni misis ang iya nga mister kaupod ang iya nga ‘kumare’.
Sa interview sang Bombo Radyo sa roomboy sang nasambit nga lodging house, ginpahayag sini nga nagpaligad gid sang gab-i sa amo nga lugar ang misis nga si alyas Bea kaupod ang lima ka tuig sini nga anak bangud sa iya pagduda nga nagcheck-in ang iya mister nga si alyas Gerald.
Nag-‘tamang-hinala’ naman si alyas Bea bangud pagkaaga, nakit-an sini ang iya mister nga nagguha rason nga ginsulong niya ini kag ginsumbag.
Suno pa sa roomboy, mangin ang iban nga customers sa amo nga lodging house ang na-istorbo naman sa away sang mag-asawa rason nga ginpakamaayo nila nga magpanawag sang pulis.
Sa kagustuhan ni alyas Bea nga makit-an kun sin-o ang kaupod sang iya mister sa bilog nga gab-i, naghambal ini sa mga pulis nga padulungan ang kwarto nga ila ginsudlan.
Sa pagbukas sang mga otoridad sa kwarto, wala na ang babaye apang sa padayon nga pagpangita, nakit-an ini nga nagapanago malapit sa fire exit kag nakibot si alyas Bea sang nakit-an si alyas Julia nga iya man nga kumare.
Gilayon nga gindala sa Roxas City Police Station ang mag-asawa kag diri ila nadesisyunan nga magbulagay na lamang.
