CUARTERO, CAPIZ- Nagapabilin pa sa gihapon sa ospital ang asawa sang biktima kag ang driver nga nakabunggo sa natabo nga aksidente sa dalanon sa Barangay Bitoon Ilaya, Cuartero, Capiz.
Matandaan nga ang biktima amo si alyas ‘Cel’, 58-anyos, driver sang dropside truck, nga ginbawian sang kabuhi, sakay ang asawa sini nga si alyas ‘Ime’, 46-anyos nga lunsay mga residente sang Barangay Bungsuan, Dumarao, Capiz. Samtang, ang driver naman sang pick-up amo si alyas ‘Gen’, 46-anyos akg residente sang Barangay Calapawan, Panay, Capiz.
Sa interview sang Bombo Radyo kay Police Captain Alladen Talaban, hepe sang Cuartero Municipal Police Station, ginpahayag nga gin-transfer sa isa ka ospital sa Iloilo ang misis sang biktima, samtang yari naman ginhalin sa isa ka ospital sa syudad sang Roxas ang driver sang pick-up nga sa karon lunsay padayon nga nagapabulong.
Dugang pa sini nga ang tagsa ka mga pamilya sang nagkalaulamid sa amo nga insidente ang sa karon nagapakigkoordinar may kaangtaanan sa natabo nga insidente kag agud mahatag sa pamilya sang biktima ang ila nga mga kinahanglanon.
Nahibaluan nga yara na sa karon sa puluy-an sang biktima ang iya nga bangkay nahamyang.
Samtang, naka-preparar naman ang tanan nga mga dokumento inkaso nga ang pamilya sang biktima ang magapsaka sang nagakaigo nga panumbungon batuk sa driver sang pick-up.
Panugyan naman ni Talaban sa tanan nga mga motorist nga maghalong gid sa pagpadalagan sang mga behikulo kag kun mahimo magpahinay-hinay lang ilabi na kun naga-ulan agud malikawan nga matabo ang kasubong nga insidente.
Interviewed by Bombo Francis Biñas
