ROXAS CITY-Arestado ang 38-anyos nga mister matapos nga ginserbehan sang Warrant of Arrest sang mga kapulisan sang Roxas City Police Station sa Barangay IV, Roxas City.
Ginkilala ang arestado nga si Nelson Lozano sang Happy Homes Barangay Sibaguan sining siyudad.
Panumbungon nga paglapas sa Batas Pambansa Bilang 22 ang ginapangatubang sang amo nga akusado.
Ang nasambit nga warrant of arrest gin-issue kag ginpirmahan ni Hon. Presiding Judge Jennie Anne Logronio, Presiding Judge sang MTCC, 6th Judicial Region Branch 1 sadtong Nobyembre 16 sini nga tuig.
Ginrekomendar naman sang korte ang P3,000 nga piyansa para sa temporaryo sini nga kahilwayan.
Apang, ginhilway man gilayon sa karsel sang Roxas City Police Station matapos nga nakabayad sang nagakaigo nga piyansa.
