Mister arestado matapos nga nakuhaan sang duha ka mga armas-luthang sa banwa sang Dumarao

ROXAS CITY-Arestado ang isa ka mister matapos nga ginserbihan sang Search Warrant sang Dumarao Municipal Police Station sa pagpanguna ni Police Captain Laarnel Frial sa Sitio Magalan, Barangay Sagrada Familia, Dumarao Capiz.

Ginkilala ang arestado nga si Romeo Bagaporo, residente sang amo man nga lugar.

Nakuha sa posesyon ni Bagaporo ang isa ka unit sang 12 gauge shotgun kag 1 ka unit sang kalibre 38 nga armas luthang nga may yara sang isa ka bala.

Sa karon nakahunong na sa karsel sang Dumarao Municipal Police Station ang arestado kag natalana nga pagapasakaan sang panombongon sa paglapas sa R.A. 10591 ukon Illegal Possesion of Firearms and Ammunition.