ROXAS CITY – Caught in the act ni misis ang iya mister nga may kaangkas nga iban nga babae sa motorsiklo.
Suno sa ginang nga ginkilala lamang kay Inday, madugay na ini nga nagaduda nga may iban nga babaye ang mister rason nga nagpangayo na ini sang bulig sa pamilya para madakpan sa akto ang pagpanginbabaye sang asawa.
Sa iya pagsubaybay sa lakat sang bana, natiyempuhan sini ang bana kag ang other woman nga sakay sa motorsiklo.
Kasunod sang pagpalapit nila sa mister ang pagdalagan palayo sang babaye sa lugar.
Samtang sang makapauli na sila sa ila balay, ginkakibot ni alyas Inday sang kastiguhon ini sang bana bangud gin-alegar nga ginpakahuy-an ini sa madamo sang tawo.
Bangud diri, ginreklamo sang ginang sa Roxas City PNP ang ginhimo nga pagsakit sa iya sang mister.
