PILAR, CAPIZ – Patay ang isa ka mister matapos nagbitay sa sulod sang balay sa Barangay Olalo, Pilar, Capiz.
Ang nasambit nga biktima ang may edad nga 32 anyos kag residente sang nasambit man nga lugar.
Base sa inisyal nga impormasyon nga nakuha sang Bombo Radyo, nakit-an na lamang sang iya nga iloy ang biktima nga nakabitay sa sulod sang balay gamit ang habol.
Wala na nasalbar pa ang biktima bangud ginapahayag nga matig-a na kag nagapalanggit-om ang lawas sini sang ini ang nasapwan.
Antes gin-utas ang iya kaugalingon nga kabuhi, nagpaligo pa sa suba ang biktima kag nag-inom kaupod ang iya mga barkada.
Nahibaluan pa nga ginselosan sang biktima ang ka-trabaho sang asawa sini sa Balasan, Iloilo ng wala pa makapauli bangud sa travel restrictions.
Apang ginapahayag nga nag-ayuhay man ang mga ini rason nga indi pa matumod sang pulisya ang madalom nga rason sang biktima sa pagpanginmatay.
