ROXAS CITY-Arestado ang 40-anyos nga mister matapos nga nakuhaan sang indi lisensyado nga armas-luthang sa Sitio Sayuyan, Barangay Malocloc Norte Ivisan Capiz.
Ginkilala ang arestado nga si Buenvinido Alcazaren residente sang Barangay Culajao, Roxas City.
Sa imbestigasyon sang Ivisan Municipal Police Station nagaguwa nga may yara sang concern citizen nga nagreport sa mga kapulisan nga may nakita nga armas-luthang nga ginadala si Alcazaren.
Gilayon nga nagresponde ang mga otoridad kun sa diin nakuha sa posesyon sini ang isa ka unit sang kalibre 22 nga revolver nga may yara sang apat nga bala.
Sa pagsekyar sang mga kapulisan wala sang nakaigo nga lisensya ang nasambit nga armas-luthang rason nga gin-aresto si Alcazaren kag gnhunong sa karsel sang Ivisan Municipal Police Station.
Natalana naman nga pasakaan sang kaso nga paglapas sa R.A. 10951 ukon Comprehensive Law on Firearms and Ammunition ang nasambit nga suspetsado.
