ROXAS CITY-Dakup ang isa ka persona sa ginpatigayon nga entrapment operation sang mga katapo sang Criminal Investigation and Detection Group (CIDG) Capiz kag Philippine Dental Association (PDA) sa Hemingway Street Barangay, Tiza, Roxas City.
Ginkilala ang suspek nga si Philip Borres kag residente sang banwa sang Maayon.
Suno kay Dr. Jorge Lamier, Presidente sang PDA-Capiz nga madugay na nila nga ginamonitor ang ilegal nga aktibidad ni Borres kun sa diin nagapangtakod ini sang braces kag pustiso nga wala sang nagakaigo nga lisensiya.
Narekober sa posisyon sang suspek ang mga kagamitan sa pag-ubra kag takod sang braces kag pustiso.
Nahibaluan nga ang programa nga ini ang kabahin lamang sang national effort sang Department of Health (DOH) kag Philippine Dental Association (PDA) agud matapna ang mga ilegal nga naga-ubra sang bulahaton sang isa ka lisensiyado nga Doctor.
Sa karun, yara na ini sa kustodiya sang CIDG-Capiz kag natalana nga pasakaan sang panumbungon sa pag bayolar sa RA 9484 ukon Philippine Dental Act of 2007.
