Wala na sang kabuhi sang nasapwan ang isa ka mister nga nadanlog kag nahulog sa suba sa Barangay Tapulang, Maayon, Capiz.
Ginkilala ang biktima kay alyas “Cris” 35-anyos kag residente sang nasambit man nga barangay.
Sa interview sang Bombo Radyo kay PSSGT. Gerald Dellomo, ginpahayag sini nga nagpadulong ang biktima malapit sa suba agud kun tani tsekyaron ang lebel sang tubig apang nadanlog ini kag nahulog.
Sa ginpatigayon nga search and retrieval operation sang mga rescuers kaupod ang Capiz Coast Guard, Maayon MDRRMO kag mga BPAT sa nasambit nga barangay,
natigayon nga makit-an ang biktima nga wala na sang kabuhi.
Sa karun, yara na ang bangkay sang biktima sa isa ka punerarya kag nagapati ang pamilya nga wala sang foul play sa kamatayon sang ila himata.
