ROXAS CITY – Nag-angkon sang pilas sa likod ang isa ka mister matapos ginaalegar ginbuno sang utod sang iya live-in partner, takna 12:00 sang udto, Enero 1, 2024 sa Tambis St. Barangay Tiza, Roxas City.
Ginkilala ang biktima nga si alyas ‘Ian’, 33-anyos samtang ang ginatudlo nga suspek amu si alyas ‘Ariel’, 35-anyos lunsay residente sang nasambit nga lugar.
Sa impormasyon nga nakuha sang Bombo Radyo sa Roxas Component City Police Station (RCCPS), santu sa nangin panaysayon sang biktima samtang nagahigda ini sa sulod sa balay sang ila abyan hinali na lang nagsulod si alyas ‘Ariel’ kag ginapahayag madasig ini nga ginbuno.
Bangud sini, nag-angkon sang pilas si alyas ‘Ian’ kag ginpadangat sa Roxas Memorial Provincial Hospital (RMPH) para sa pagbulong.
Sa karon, nakaguwa na sa ospital ang biktima samtang padayon naman ang imbestigasyon angut sa insidente.
