Mister pilason matapos nga aksidente natumba sa iya motorsiklo

ROXAS CITY – Pilason ang 24-anyos nga mister matapos nga natumba sa motorsiklo nga ginasakyan sa Barangay Dacuton, Dumarao Capiz.

Ginkilala ang biktima nga si Reggie Narbonito, residente sang Barangay Aglanot sa nasambit nga banwa.

Sandig sa inisyal nga imbestigasyon sang Dumarao Municipal Police Station nagaguwa nga masugat kuntani ang biktima sa iya nga tiayon apang samtang ginasubay sini nga dalan, ginaalegar nga nadulaan ini sang kontrol sang manibela kag dalayon nga natumba sa dalan.

Mahibaluan nga nalipong pa ang biktima sa tuman ka baskog sang impact sang pagkatumba.

Gilayon man nga gindapatan sang nagakaigo nga pagbulong ang nasambit nga biktima.