ROXAS CITY-Apat ka pilas sa ulo ang naangkon sang 45-anyos nga mister matapos nga ginaalegar ginlabo samtang nagakatulog sa sulod sang balay sang iya nga pakaisa sa Barangay Bungsuan, Dumarao Capiz.
Ginkilala ang biktima nga si Mamerto Azupardo, residente sang Santo Tomas, Passi City.
Sandig sa inisyal nga imbestigasyon sang Dumarao Municipal Police Station nagaguha nga samtang nagakatulog ang biktima sa balay sang iya pakaisa, hinali nga nag-abot ang suspek nga si Freeman Bernabe, 24-anyos residente man sang Passi City kag hinali na lamang ini nga ginlabo.
Gilayon naman nga gindala sa Dao District Hospital ang biktima kag padayon nga ginabulong.
Samtang naaresto naman ang suspek nga nakahunong karon sa karsel sang Dumarao Municipal Police Station.
